Esperanto estas la lingvo por la Verduloj.
KIAL ?
- ĉar Esperanto estas lingvo planita por disvastigi pacon pere de internacia kompreno
- ĉar Esperanto protektas la diversecon de regionaj lingvoj kontrau la tro-uzado de imperialismaj lingvoj;
- ĉar nur per la uzado de neŭtrala lingvo Esperanto ni, Verduloj povas elimini diskriminacion dum niaj propraj kunvenoj internaciaj.
Esperanto kondutas ekologie - Esperanto opfører sig økologisk
La verdula movado (ekologiismo) argumentas tre fundamente por la enkonduko-aplikado de internacia lingvo en la oficialaj internaciaj rilatoj. Tion chi primare lau naturscience devenigeblaj faktoj (ekologio) kaj sekundare lau soci- kaj inter-lingvistikaj rezultoj. Jen la esenco de esperanto kiel unuarange dauropoveca komunikilo: 1. Ekde pli ol 30 jaroj la homaro chiujare forkonsumas 30 %ojn pli da resursoj ol povas esti regenerataj kaj plitoksas la biosferon 30 %e pli ol povas esti kompensata. Tio signifas, ke chiujare neinversigeble amasighas la ekologia debeto de la homo en la tuttergloba sistemo. 2. Komunikado ne restas ekster la dinamiko de chi definitiva kaj multloke pereige konkretighanta minaco. Se ghi, kiel nun, ech imanente estas pligraviga faktoro en chi procezo al memlikvido, ghi ne valoras - negrave chu efektivighanta etno- au internaci-lingve. 3. La ekvilibro inter la nuntempaj medio- kaj justeco-krizoj eblas nur per dauropoveca evoluigo. Chi tio klare signifas por chiuj "ideologioj", ke nun kaj future pli da justeco en laueble plej konservata biosfero atingeblas nur per malpli da konsumo kaj lukso en al dominaj konsum(anto)-klasoj chie en la mondo. 4. Plibonigo de tutmonda komunikado ne automate malakrigas la justeco- kaj medio-krizojn. Bezonatas lingvo, kiu pro kaj el si mem estas ekologia en la senco de tauga kiel imanente preventema dauropoveca komunikilo. 5. Ghuste tia estas esperanto, kontraste al chiuj etnaj lingvoj. En la kampo de komunikado esperanto kiel internacia lingvo laukvalite maksimume reduktas soci(al)ajn riskojn inter la popoloj-kulturoj (t.n. "demokratia dulingveco") kaj laukvante maksimume reduktas riskojn por la medio-biosfero (maldisipado de resursoj). Chi pensocheno estas unusignifa kaj apenau refutebla. Lau ghi eblas utiligi esperanton ajnideologie sube de la prioritatoj de efikaj justeco kaj medioprotektado. La ekologoj kaj verduloj ne timu diri kaj propagadi tion, kio estas neforigebla interna esenca potencialo de esperanto. La reala temo ne estas pli bona tutmonda komunikado kiel tia (t.e en la pure lingva senco), sed kiel komunikado, rekte kaj pozitive rilatanta al demokratio, justeco kaj dauropoveco. Jen la decida motivo... ja ne estas alia racia alternativo. Novembro 2008 EKOMED (Centro pri Ekologia Medicino) Wolfgang Guenther AP 270 - C/Esperanto, 3 ES 03170 Rojales (Alicante) Hispaniorete al EkoMed
|
|
|
||
| Asocio de Verduloj Esperantistaj (AVE) | |||