Dio, patrujo kaj familio - kondimentitaj per maltolero, naciismo kaj
novfas^isma retorikoj - estas la ingrediencoj de la nova Konstitucia
C^arto, j^us aprobita de la Hungara Parlamento... kaj voc^donis favore al
g^i pli ol 85% de la parlamentanoj!
Teksto hontinda kaj evidente maldemokrata, kiu revekas la memoron pri la
malhelaj jaroj de la totalismoj. Domag^e, ke nun Hungario estas laŭvic^a
Prezidanta lando de Eŭropunio.
La nova Budapes^ta Konstitucio ne plu difinas la S^taton kiel respublikon,
sed identigas la politikan nacion laŭ g^iaj etnaj kaj kristanaj
originoj... la rajtoj de la malplimultoj ec^ ne estas konsiderataj.
En g^iaj artikoloj D kaj G eblas legi ke la Lando "devas sin s^arg^i per la
destino de la hungaroj, kiuj vivas ekster g^iaj limoj", kaj kiuj rajtas
voc^doni, c^ar "filo de hungara civitano estas hungara, kie ajn li/s^i
trovig^as". Frazoj interpreteblaj kiel pretendo pri iamaj teritorioj,
kiuj post la unua mondimitito farig^is Serbiaj, Rumaniaj, Kroatiaj kaj
Slovakiaj.
La teksto aldone difinas Kristanismon, kiel fundamentan elementon de la
nacio. Tiu eksplicita aserto diskriminacias ateistojn disde la anoj de
malsamaj religioj, kaj krome humiligas la rajtojn de la virinoj kaj de
la samseksemuloj. Ja, ekzaltante la valoron de la familo, Hungario leg^e
malpermesas aborton kaj protektas la "geedzig^o, kiel unuig^o inter viro
kaj virino".
Estas jam sufic^e por rekoni mezepokan sintenon, sed la listigo ne finis.
La plej terura parto de la nova Konstitucio estas tiu, kiu renversas la
povordigon. Ja serio de garantiorganoj, g^is hieraŭ sendependaj, nun
estas metitaj sub kontrolo de la registaro, kiu metis sub sia kontrolo
ankaŭ la nomumon de de la Konstitucia Kortumano, ec^ senigante g^in je
g^iaj kompetentumoj pri bilanco, fisko kaj doganoj.
En la C^arto estas krome eksplicite agnoskita la rolo de NMHH, la
kontrolaŭtoritato pri la amaskomunikiloj starigita antaŭ kvar monatoj...
kompreneble g^iaj membroj estas nomumitaj de la registaro.
Simile la membroj de la Fiska Konsilio de la Nacia Banko estos nomumitaj
rekte de la C^efministro, kaj tiu Konsilio havos la vetoopovon en
bilancoaferoj; tial, se la Konsilio malaprobos. la Prezidento povos
eksigi la Parlamenton. Ne temas pri detaleto: se la falus la registaro,
la nova registaro estus ostag^o de fideluloj de la eksa c^efministro.
Kompletigas la "trankviligan" bildon serio de aliaj preskriboj... inter
kiuj,
- la nekomutebleco de la dumviva karcero,
- la ebleco hejme teni pafajn armilojn sen licenco,
- la difino de laboro kiel "devo" kaj ne kiel "rajto".
C^i nova Konstitucio anstataŭas tiun komunisman je 1949, plurfoje
modifita al demokrata direkto post la falo de la Berlina muro en 1989.
Kiel povis okazi, nuntempe, tia abomenaj^o? La c^efa respondeculo de la
institucia monstraj^o estas la c^efministro Viktor Orban, kiuj kudris sur
si mem perfektan reformon por iunstituciigi diktaturon. Fojon li estis
liberala gvidanto, sed lastatempe eble la spirito de iu aŭstro-hungara
imperiestro lin ekposedis. Pasintjare lia partio - Fidesz - venkis la
elektojn per 52% de voc^donoj... tio permesis al li okupi pli ol du
trionojn de la parlamentaj seg^oj. Tio signifas ke, por aprobi kiun ajn
reformon, Orban bezonas apogon de neniu, nek de socialistoj, nek de la
ekstremdekstro... c^ar ja estas ankaŭ la ekstremdekstro! La nova
Konstitucia C^arto estis ja voc^donata nur per Fidesz.
Por protesto, la maldekstruloj lasis la parlamentan c^ambron. Komitatoj
de civitanoj tuj aktivig^is por peti abrogan referendumon, sed la
registaro jam respondis ke g^in ne konsentos.
EU intertempe flosas en embaraso... la voc^o plej aŭtorita estis tiu de
la germana vicministro pri Eksteraj Aferoj, kiu asertis ke "Germanio
rigardas kun granda atento kaj preokupo tion, kio okazas en Hungario".
La Budapes^ta registaro reagis difinante "miriga kaj neakcetebla" la
entrudig^on.
La Konsilo de Eŭropo plendis, ke la skizo pri la nova Konstitucio g^in
atingis nur la 14an de mardo, igante neebla kiun ajn interkonsenton kun EU.
Tamen g^is nun konkretaj intervenoj venis nek de EU nek de KE, kavankam
tiuj Eŭropaj institucioj ne multe povas entrudig^i en la interna vivo de
la membros^tatoj.
Pri konkretaj malobservoj povas verdikti nur la Kortumoj
- EKHR (Eŭropa Kortumo pri Homaj Rajtoj) de KE kun sidejo en Strasburgo
- EU-Kortumo kun sidejo en Luksemburgo rilate al malobservo de la
EU-traktatoj
Sed Amnesty International estis malpli diplomata, kaj parolis rekte pri
malobservo de "la internaciaj kaj eŭropaj priskriboj rilate al homaj
rajtoj". Kaj aldonis ke EU devus "garantii kongruecon" inter la "hungara
ordosistemo" kaj "la eŭropaj priskriboj".
Komento de la tradukisto: oni ne povas kulpigi EU, se la eŭropanoj
voc^donas popolisme aŭ ekstremisme. Se la popoloj voc^donas per la ventro,
ili ricevas la registarojn, kiujn ili meritas... ne nur en Hungario,
ankaŭ en Italio ktp.
Malgraŭ tio la proceso por Federa Eŭropunio restas gradioza projekto je
paco kaj kunvivo, kiu fontas el elstaraj s^tatistoj... la fondintaj
patroj de Eŭropunio.
El guglo-grupo "Eŭropaj Federistoj" EU-Federo sendis: J-K Rinaldo