Deciditaj kaj subskribitaj je la fonda konferenco
en Masala cxe Helsinki je la 20-a de Junio 1993

La Euxropaj Verduloj
Informoficejo
EP - PHS 2C 
85,  rue Wiertz
B-1047 Bruselo

Tel.:           32-2-284.51.35
FAX:            32-2-284.91.35
E-Mail:         EFGP@europarl.eu.int
www.europeangreens.org


(Datumo de la adreso: 1999-12)Asocio de Verdulaj Esperantistoj AVE

Traduko en Esperanton laux la angla kaj germana versioj de 
Wolfgang Gunther, Manfred Westermayer kaj Herrmann Schröder (+)

I      Ekologia Evoluo
       1. Enkonduko
       2. La Tutmonda Ekonomio
       3. La Euxropa Ekonomio
       4. La Ekologiigo de la Ekonomio
       5. La Transformado de la Ekonomiaj Sektoroj
       6. Ekvilibra Transformado

II     Komuna Sekureco
       1. Paco estas Nedividebla
       2. Paco devas esti Organizata
       3. Por Norma Sistemo de Euxropa Sekureco
       4. Malarmado
       5. Garantioj por Demokrataj Rajtoj
       6. Por Civila Socio en Euxropo de Regionoj
       7. Reformo de la Unuigxintaj Nacioj

III    Novaj Rajtoj por la Civitanoj
       1. Enkonduko
       2. Homaj Rajtoj
       3. Demokrataj Rajtoj

Antauxparolo

Pro la disrompigxo de la geo-politika "Nuna Stato" de la post-
milita erao Eux-ropo spertas nuntempe necertecon kaj
sxangxigxon. Tio donas la oportunecon starigi reton de komuna
agado pri kiu la tuta Euxropo - de Dublino gxis Tbilisi, de
Helsinki gxis Lisboa, de Athen gxis Rejkjavik - povas
partopreni.

La tielnomata progreso de la pasintaj jarcentoj portis nin en
situacion, en kiu la bazoj de la vivo estas grave endangxerataj.
Dum la teknologia evoluo povas bremsi iomagrade la malplibonigon
de la medio, gxi ne povas malhelpi la ekologian kaj socian
kolapson de la civilizacio sen fundamenta sxangxigxo de la
ideologio koncerne senbaran materialan kreskadon, kiu ankoraux
superregas.

Kiel pioniroj de la industriigo, kiu estas en la centro de la
krizo, la euxropanoj portas la cxefan respondecon pri tiuj
detruemaj tendencoj.

La Euxropa Verda Movado atingis novan fazon. En la pasintaj dek
jaroj multaj disputataj temoj, pri kiuj la verduloj batalas,
eniris la vortprovizon de la civitanoj, de la informagentejoj
kaj partioj trans Euxropo. La verduloj nun povas influi la
decido-procezon en multaj naciaj parlamentoj, same kiel en
regionaj kaj kom-unumaj konsilantaroj. Tio necesigas novan
nivelon de kunordigo koncerne celojn, solvojn kaj pensmanierojn
inter la verduloj de diversaj partoj de la kontinento kaj
speciale inter la tradicioj de la verduloj de okcidenta kaj
orienta Euxropo. Tiu cxi dokumento priskribas la cxefajn
punktojn de la transformado kiu nun atendas Euxropon kaj la
planedon kiel tutajxon. La ekonomio - tio estas la modeloj pri
la konsumado kaj produktado - devas esti adaptota al la toleremo
de la natura medio. Nova tergloba strukturo de sekureco estas
establota por atingi mondpacon sur la bazo de justa solvo de
konfliktaj interesoj. Nova koncepto de civitaneco konstruita sur
egalaj rajtoj por cxiuj individuoj senrigarde de sekso, agxo,
raso, religio, etna aux nacia origino, seksa orientigxo, ricxo
kaj sano devas esti realizota. Ni devas atingi tiujn celojn per
demokrataj rimedoj kaj fortigo de la rolo de lokaj komunumoj en
decidoprocezoj.

Kvankam estas grandaj diferencoj inter diversaj partoj de
Euxropo, la Gvidaj Principoj prezentataj tie cxi estas la unua
provo krei tuteuxropan strategion por la ekologia kaj socia
reformoj. Ni invitas cxiujn Euxropanojn kiuj zorge interesigxas
pri la estonteco de la Tero partopreni en la realigo de tiuj
ideoj. La Verdigxo de Euxropo nur nun komencigxis.


 -> Dauxrigo al Ekologio>

 -> Komenco de la Gvidlinioj>