Returne al la enira paĝo de AVENO
AVE Raportoj, Aveno 32
2007-08-21
|
2007-07-21/28: 80-a SAT Kongreso en Antony/Parizo.
Ni devis iri longan vojon al la kongresejo, sed almenaŭ
parte eblis tra belega parko.
Ene de la laborkunsidoj okazis prezenton pri la temo grund-minoj
kaj "pafaĵoĵetoj el bomboj" (mll. grapol-bomboj).
Bedaŭrinde ankoraŭ multaj grandaj nacioj produktas kaj
aplikas tiajn detruilojn, kiuj eĉ post la milito malhelpas
la evoluon de la lando kaj mortigas kaj kripligas homojn kaj
bestojn.
SAT celas al la sindikatanoj kiuj laboras en tiaj firmaoj, por
ŝanĝi la tian produktadon - ekz-e al maŝinoj por
sendanĝere formeti la kuŝantajn milionojn da minoj.
Belgio estas la unua ŝtato kiu aboliciis la produktadon de
tiaj armiloj; kaj en Kroatio okazas subtenata de SAT-anoj rapida
formeto de la grund-minoj.
Ankaŭ interese estis la ekskurso al metiejo de
handikapuloj, kiuj kapablas labori dum certa tempo, sed ne estas
sufiĉe fortaj por labori "sur la libera merkato",
ankaŭ ĉar multaj firmaoj preferas pagi anstataŭan
pagon.
Ĉiukaze ili laboras laŭ la kapablo, kaj trovi tiajn
laborojn estas la zorgo de la organiza teamo, kiu ankaŭ
aliflanke subtenas kaj konsilas ilin. Ni vespermanĝis en la
domo kie multaj el ili loĝas; kaj ili servis al ni.
La komunan kunsidon de AVE kaj de la Ekologiista Frakcio de SAT
partoprenis 14 homojn, inter ili 8 AVE-anoj. Ĉefe ni
diskutis pri la energio-politiko de Francio kunligita kun la
atom-bomba armeo. Ni verkis rezolucion pri tio.
Claude Bros tradukis ĝin en la Francan kaj niaj francaj
geamikoj prezentos ĝin okaze de la Somera Universitato de
Les Verts en Bretonio fine de Aŭgusto; kaj mi sendos
ĝin al la francaj Verdaj Eŭroparlamentanoj.
2007-07-29/08-04: 7-a EEU-Kongreso en Maribor.
Kongreso pri Interkultura Komunikado
(--- pri tio b-vu legi la raporton de EEU ---)
La AVE-Kunsido partoprenis entute 17 homoj, inter ili 7
AVE-anoj. Krom la prezento de AVE kaj ĉi-rilataj demandoj
ni verkis rezolucion proksime al la kongres-temo "Akvo", kiu
troviĝas sur nia retejo.
kaj
Konferenco pri AKVO:
Jam en la malferma sesio ni aŭdis tre belan kaj ampleksan
- materian kaj filozofan -
prelegon pri la konferenca temo Akvo de
profesoro Endre Dudich el Hungario.
----
La Akvo-Konferenco okazis en la domo de la firmao Andragorski,
kiu prpvizas la trinkakvon en la granda regiono de Maribor.
Estis du matenoj kun prelegoj kaj unu mateno kun aparta ekskurso
informiĝi pri la akvo-provizo de Maribor.
La normala trinkakvo el la kranoj estis tre bongusta.
La prelegoj:
Vesna Obradovic (Slovenio, la organiza zorgantino de la
kongreso), Akvaroj en Slovenio:
Ŝi montris la tre variajn riverojn, lagojn kaj
karst-grotojn per tre interesa softvaro, de slovena firmao
Burger,
kiu ebligas kvauaŭ tridimensian ĉirkaŭrigardon
eĉ en la kavernoj - gvidata pere de muso.
Manfred Westermayer (el Germanio - AVE), Agendo 21 - Ni kaj la
Akvo:
Pri la danĝeraj influoj de la homoj (agrikulturo
(tro-sterkado kaj pesticidoj), kloakaj akvoj el domoj kaj
fabrikoj,
plastaĵo-pecoj en la akvo kaj la kvar san-danĝeraj
kemiaĵoj el la plastaĵoj, kiuj amasiĝas en la
graso de tiuj bestoj kiuj staras je la pinto de la
nutro-ĉeno).
Ne mankis la alvoko konduti pli bone.
Jose Salguerdo kun la edzino (el Hispanio, Estremadura), Birdoj
- terminolgio:
Kelkaj ekzemploj de akvo-birdoj kun la duopaj nomoj, sciencaj
kaj popolaraj.
Normando Fleury (el Kanado, laboras en la Botanika Ĝardeno
de Montreal), Arbaroj kaj la Akvo:
Prezentis kontraston inter mult-speca natura arbaro kun
plantita, ofte monokultura forsto. Monokulturoj, ekz-e
eŭkalipto-arbo, detruas la biodiversecon kaj facile
ek-brulas.
Por sekaj regionoj arbaro helpas kontraŭ erozio, kaj ekz-e
speco Jatropha povas eĉ servi por protekti la grundon kaj
produkti oleon en aridaj regionoj.
Profesorino Rafaela Oruena (Hispanio, internacia juristiko),
Internacia Juro de la Akvaroj:
Ŝi prezentis la evoluon de tiu internacia leĝaro, kiu
nun preventas militojn. Sed taman restas problemoj, ekz-e ke
Slovenio havas marbordon 40 km longan, sed la maro apartenas
aŭ al Italio aŭ al Kroatio.
Simile, nun kiam Rusio asertas, ke la tuta regiono de la arkta
oceano (ĝis la norda poluso) apartenas al Rusio - por pli
poste ekspluati la tieajn marajn resursojn.
------------------
2007-08-07: AVE-Kunsido dum la 92-a UK en Jokohamo.
Verdaj Partioj en Japanio kaj en Koreio estas ne-konataj, sed
ekzistas parencaj organizaĵoj (mi ne certas ĉu ili
havas la statuson de partio):
En Japanio (Ĉielarko kaj Verduloj): <
no-gintokken
En Ĉinio (en, zh): Greenpeace en Ĉinio
En pluraj (kaj ankaŭ 6 aziaj) landoj, Fonduso Heinrich
Boell (de, en, es): Boell-Fonduso
ĝenerale Tutmondaj Verdaj partioj:
Globalgreens
Kunordigite de José Antonio Vergara, marde la 7-an de Aŭgusto
inter la 17:15 kaj la 18:00 horo okazis la AVE-kunsido.
1. venis entute 17 kongresanoj.
2. Oni disdonis la cirkuleron Aveno 31 kun gheneralaj informoj.
3. Dominique Vasconi-Couturier (KN 410) raportis pri la
Esperanto-komisiono de la Verda partio en Francujo (Les Verts),
kiu lastatempe spertis revivlighon, shajne lige al la ekzisto de la
Europa Verda Partio. En la grupo estas pli malpli 20 personoj, el kiuj
10 estas partianoj. Oni havos budon kaj atelieron en la Somera
universitato de la partio.
4. José Antonio menciis ke en Francujo membroj de la Verda
partio kiuj kampanjis por la NE en la europkonstitucia referendumo starigis
kun similtendencaj verduloj el aliaj europaj landoj la reton
Alterecolo, por grupigi la verdulojn kiuj sentas sin iom je la maldekstro de
la plimulta tendenco en la respektivaj verdaj partioj. La retejo de
Alterecolo ankau havas Esperantan version. Li aldonas ke li mem
opinias sin rughverdulo, t.e., membro de la verda maldekstro,
kaj ke eble iam organizos rughverdan frakcion en AVE.
3. Oni parolas pri la fundamenta sinteno de la verduloj kontrau
la mortopuno, kiu ankorau ne estas aboliciita en Japanujo.
Pridemanditaj, japanaj kunsidantoj iom parolas pri la situacio en la propra
lando. Iu sinjorino demadas chu tiu temo havas rilaton al la okupigho pri
mediprotektaj taskoj, al kio oni respondas ke la verduloj havas
principan starpunkton defendi la vivon.
4. S-ro HOSHIDA Acusi rapide rakontas per japanlingva bildlibro
kaj antaue zorge preparita traduko de la teksto en Esperanton. Tre
interesa historio pri ekologia krizo sur japana norda insulo
pro troa ekspluatado de la arbaro flanke de la tieaj fishistoj, kio
siaflanke grave minacis la vivkondichojn de tiu komunumo, kaj
kiel do ili mem prizorgis la restarigon de la ekosistemo. Temis pri tre
instiga kaj bele prezentita konkreta ekzemplo de la kerna
interrilato ekzistanta inter la naturmedio kaj la homaj vivbezonajhoj, kaj
omaghe al la gastiga kongreslandanaro oni volonte permesis a tiul
japana samideano regali la cheestantaron per tiu rakonto.
"Reviviĝu, la arbaro de Erimo!"
-----
|
