>> Raportoj pri la agado de AVE ekster la Verdaj Partioj. (Aveno 26)
> Aral-Maro: Ni kunlaboras kun "Aralseeverein" en Berlino, kiu cxefe
okupigxas por subteni infanojn en la suda regiono - apud Nukus; aparte pri la
infan-hejmo "Ertek" kie logxas infanoj de tuberkulozo-infektitaj gepatroj.
Instalajxo por bona trinkakvo zorgos por akvo kaj financaj rimedoj tie.
> 2002-07 Riga: 12a IEK Ekologio kaj Multnacia Kulturo en Latvio.
Organizita de Verda Ondo (Mara Timermane) kaj Tutmonda Turismo (A.
Grzebowski). Krom la turisma aspekto (cxarma Hanse-Urbo Riga, bani en la
Golfo de Riga, spekti folklorajn dancojn en kelkaj regionoj de Latvio) ni
lernis multon. La unua tago de la kongreso okazis en kongresejo kun
traduk-servo. Presentigxis pluraj firmaoj kiuj okupigxas pri sano, reciklado
(sistemo de Verda Punkto por rekolekti pak-materialon). Sciencistino el
Ekologia Laboratorio informis nin pri nov-evoluita produkto (libere
acxetebla) el aveno, kiu gustas simile al jogurto, aparte por homoj kiuj ne
toleras lakto-produktojn.
Ni vizitis NRO-on kiu subtenas handikapitajn virinojn por produkti kaj vendi
meti-artajxojn. Ni vizitis esplor-fabrikon en Salaspils, kiu kunfandas
eluzitajn plastikajxojn (cxefe botelojn el PET) kun sablo por produkti
pavimsxtonojn - pozitive gxi bezonas malpli da energio ol sama produkto el
betono; negative montrigxis ke gxi eligas moligenzojn (kemiajxoj kiuj moligas
plastikajxojn) kaj la cxirkauxanta aero
iomete odoris "kemie" (certe oni devus bruligi la rubgason).
En Tukums oni ege vigle klarigis al ni en naturklera muzeo la vivociklon de
libelo - por ke ni homoj partoprenu ilian vivon kaj tiel rekte komprenu la
bezonon je naturprotektado. En Vaidava ni vizitis bienon kiu produktas
kurac-herbojn, kaj acxetis teon.
En Sigulda ni vizitis pregxejon sur herbeja monteto proksime de tombejo de
latva sanktulo; kelkaj laboris por elfosi (fondi) labirinton laux ekologia
vidpunkto. En Latvio postrestis rememoro al pagana religio; ni vizitis unu el
la sanktaj lokoj.
Bedauxrinde pluvis dum ni vizitis la Kemeri Nacian Parkon, tiel ni povis
eniri nur mallongan vojon sur bretoj super la marcxo. Ankaux tie trovigxas
klerigocentro kiu atentigas pri la neceso protekti la specialan naturon tie.
Lauxdire la plej granda enlanda rivero, Gauja, estas ege dangxera, cxar gxia
fluejo sxangxigxas kaj kreas vorticojn.
AVE arangxis diskut-vesperon pri ekologia politiko enkadre de la kongreso kaj
kun vigla partopreno de interesuloj el Barcelono (irigacio-plano de Hispanio,
kiu endangxerigus i.a. la naturon en la delto de la Ebro), gxis okcidenta
Siberio (oleo-ekspluatado kun mediaj problemoj). Cxerpi energion el suno,
vento , akvo kaj biomaso kaj uzi gxin plej efike estas grava celo. Alia temo
estis la lingvo-politiko de la EU. Mi volis reveturi buse kun Irina el
Rusio, sed sxia vizo por Latvio iel ne plu valdis en Litovio kaj ne en
Pollando; pri tio mankis informo en Siberio. Felicxe eblis uzi pramsxipon de
Liepaja. Tie, sur la kajo trovigxis partoj por 6 ventogeneratoroj.
> 2002-07 Alicante (ES): SAT-Kongreso, AVE-renkontigxo
enkadre de la ekologiisma frakcio. Prezento de ekologia agado lauxlonge de
la Dnjestro-Rivero fare de verda junula Eo-klubo gvidata de Tatjana
Auderskaja. Protestoj de diversaj grupoj (i.a. SEU kaj AVE) sukcesis eviti la
konstruadon de kanalo tra la kanejo de limano (lago rande de la maro) (sed
vidu cxe Negative). Krome estis proponita de Grigorij Geht (Odessa) krei
datumbankon de ekologiaj teknikoj. Bona temo, cxar eviti dangxerojn por la
medio - kaj por ni mem - estas pli sagxa ol agi nur post la damagxoj. Ekz-e
temas pri la farbado de kamionoj. Apliko de bona tekniko savos materialon kaj
protektas la aeron kaj akvon kontraux dangxeraj materialoj.
> 2002-08 Verona (IT): EEU-Kongreso. Publika AVERenkontigxo ne estis
akceptita! Tamen AVE ofertis materialon en la librovendejo. Kaj dank' al
SFE-anoj ni diskutis pri tutmondismo je frangxo-renkontigxo kaj disdonis la
tradukitan artikolon pri GxKKS (angle: GATS). Tie ni ankaux diskutis la
proponon de Kristian Garino partopreni en la balotado, 2004, al Euxropa
Parlamento enkadre de propra Esperanto-Listo. Sed rapide ni trovis plurajn
argumentojn, ke gxi ne nur estus iluzio sed ecx malrekomendinda afero! Nia
tasko estas, informi mense malfermajn homojn kiuj pretas akcepti E-on kaj
diskuti ene de niaj partioj pri lingvopolitiko.
Bone, ke prezentis sin David ApFergus de la nova Komunikad-Centro en Bruselo.
Li "batalas" kontraux lingva diskriminacio; kaj tiel preparas vojon al la
neuxtrala Esperanto. Parto el niaj donacoj indas iri al tiu centro.
> 2002-09-01 Johannesburgo (ZA): "Rio+10" Monda Konferenco pri Dauxrebla
Disvolvigxo.
Dank' al sudafrikaj geamikoj de EASA, AVE - kaj Esperanto entute - estis
reprezentita sur la pintokonferenco "Rio+10". Sekvas la komenca raporto de
Harro kaj la fina de Elisee:
La oficiala delegito de EASA estas Elisee By'elongo, en forumo organizata far
UNESKO (UN programo pri edukado, scienco kaj kulturo, (en) UNESCO), en kiu
oni diskutos la rolon de kultura diverseco kiel garantiilon por la dauxr-
igebleco de disvolvigxo. Tiu evento servos kiel preparigxo por marda
rondtablo de UNMP (UN medio-programo, angle: UNEP) kaj UNESKO kun sxtatestroj
pri kultura kaj biologia diverseco kaj iliaj rilatoj al la konferenctemo. Tie
li esprimos la subtenon de la Universala Esperanto Asocio por la deklaro
universala de UNESKO pri la kultura diverseco. Tutcerte, nia Praga Manifesto
kongruas kun tiu grava dokumento de UNESKO, speciale gxi ellaboras la 6an
artikolon de la UNESKO-a deklaro. Nu, al kelkaj cxefaj rezultoj de nia laboro
gxis nun :
1. Disdono de centoj da informiloj pri Esperanto (pli ol 300 flugfolioj pri
la lingvo, 50 pli dikaj informiloj, kaj 200 flugfolioj pri AVE), cxefe al
delegitoj cxe la t.n. Globala Forumo (tio de la NRO-j), sed ankaux cxe la
ekspozio en la vilagxo "Ubuntu" (= homaranismo).
2. Vizito al la ekspozicia stando de UNESKO kie la tri kunlaborantoj nin
auxskultis tre simpatie. Ni sukcesis lasi mesagxon por s-ino Monique
Fouilhoux, kiel petite de Vincent. Mi esperas, ke Elisee ankoraux sukcesos
vidi sxin persone dum la morgauxa forumo.
3. Intervjuo de nia delegito en Radio "Kanalo Afriko". Gxenerale, mi povas
raporti ke estas grandega evento, tre bone organizata, kun kelkaj dekmiloj da
partoprenantoj. Laboro de unusola delegito nia povas atingi maksimume kelk-
cent de ili. Tamen, esperu, ke kelkaj inter ili revenu al siaj hejmlandoj kun
la eksciigxo, ke ecx kvankam eblas fari tiel grandan konferencon preskaux
sole per la angla lingvo, ekzistas pli demokrata kaj pli efika solvo - kiu
finfine ankaux helpas protekti la kulturan diversecon. Dr. Harro v. Blottnitz
> Raporto pri Rio+10 de Elisee Byelongo:
EASA (Esperanto Asocio de Sudafriko) partoprenis aktive dum la diskutadoj por
plibonigi la mondon kaj tiel prepari la bonan vojon al dauxrigebla
disvolvigxo, kiun devas gxui la venontaj generacioj. EASA kaj UEA akceptis
apogi kulturan diversecon kun fokuso al lingvaj rajtoj. La strategioj de EASA
farigxis efektivaj tra disdonado de multpotencaj flugfolioj al delegitoj
partoprenintaj en la globala popola forumo kaj tiuj aktivuloj en politikaj
debat-konferencoj.
EASA disdonis 950 informilojn pri esperanto cxefe en NASREC kaj
Ubuntu-vilagxo, kie artefarite trovigxis ekspozicio kun diversaj artajxoj kaj
informdisauxdigiloj,ktp. Inter tiuj disdonitaj pli ol mil propagandiloj,
estis: La Praga Manifesto. Informilo de EASA. Teksto kun mencio:"A world with
one language? No, that's not what we want." Varbilo de UEA: "An update on
Esperanto". Informilo de AVE. InterretoAdresoj. Flugfolioj de EKDO (Esperanto
Klubo de Durbano) kun elementa leciono. Informilo de C.I.T.D (Centro por
informado, trejnado kaj disvolvigxo) kun projektoj de lingvo-instruado kaj
aparte pri Esperanto.
Krome: EASA estis intervjuita plurfoje kaj ricevis multajn adresojn de
interesuloj. Indas raporti, ke EASA-anoj kunlaboris subtenante sian
delegiton, Elisee Byelongo, per diversaj servoj i.a fotokopiado de
informiloj, konsiloj pri strategio...Kune, ili propagandis pri esperanto cxe
la Ubuntu vilagxo, kie post varbado cxe informbudo de UNESKO, ili eniris por
mangxi en restoracion kiu uzas sunbrilan energion por kuiri. Kromaj
subtenantoj: UEA kaj AVE, J. Cloete, A. von Blottnitz, O. Sher. Laux raporto
de Elisee Byelongo.
> 2002-11-09 Prago (CZ): Konferenco pri Apliko de E-o en Scienco kaj
Tekniko. Temoj teknikaj "Sojlo en rivero Danubo", "Radaksoj" .. kaj
terminologiaj, i.a. duope (Wera Blanke kaj MW) pri la uzado de E-o en la
politika sfero.
> 2002-11-09 Florenco (IT): Euxropa Sociala Forumo; organizita de Giuseppe
Valente k.a.; Wilfried Huefler partoprenis kun teksto pri la Gxenerala
Konvencio pri Komerco en la Servoj (angle: GATS) - vidu nian retpagxaron sub
Dokumentoj. Sub malfacilaj kondicxoj la esperantistoj diskutis pri la
socialaj temoj enkadre de la Tutmondigxo/ Globaligxo, kaj informis pri Eo
(Marija Belosevic). Fondigxis reta diskutejo de la Sociala Formumo
Esperantista. Preparkonferenco de grupo de esperantistoj okazos 2003-05-24/25
en La Chaux de Fonds (ch).
