>> Negative (AVENO 26)
>> Negative
> Germanio: Nukleaj Centraloj kaj Infano-Kancero.
Oni decidis forlasi la nuklean teknologion; sed la rugx-verda registaro
decidis ke la permesoj dauxru gxis 20 jaroj, por ne perdi investitan
kapitalon. Kaj "jam" 2005 la unua el la nun funkciantaj centraloj estos
malsxaltata - Obrigheim. La nukleaj centraloj rajtas eligi radioaktivajn
substancojn, cxar ne eblas eviti tion entute. Depende de la izotopo kaj la
korpan parton kiun gxi trafas - la eligita substanco povas kauxzi damagxojn.
La eligitan radioaktivecon oni mezuris, kaj la plej "malpura" germana
centralo trovigxas en Gundremmingen, Bavario. Fakte temas pri kontaminajxo
(neologismo) sed tiu termino ne elvokas sentojn de la fina risko -
mort-malsanigi.
Plurloke cxirkaux nukleaj centraloj la loka logxantaro riskas esti trafita -
kaj plurloke oni rimarkas plialtigxon de kancero cxe infanoj, cxar je
kreskanta organismo la risko estas pli alta. Bedauxrinde - eble sub influo de
lobio - la sxtato rifuzis fari specialajn statistikojn. Nur nun la NRO
"Energiewende atomkraftfreies Schwaben" (energi-sxangxigxo al Sxvabio libera
je atomcentraloj) sukcesis ke la Federacia Radioprotektada Oficejo ekfunkciis
studon pri kancero-statistiko rilate al atomcentraloj dank al Ruth Paulig
(V., Bavara Parlamento)
> Rusio: La NRO "Baikal Medio-Ondo" kiu protektas la regionon de la
Baikal-Maro, la plej granda resurso da trinkakvo en la mondo, estis
"vizitita" de la Sekreta Polico FSB. BMO publikigis ke cxirkaux la
Elektrokemia Fabriko Angarsk trovigxas radioaktive poluitaj areoj. Sed pli
gravas aktuale, ke BMO kontrauxas la konstuadon de oleodukto tra la
naturrezervejo "Tukinsky Nacia Parko" planita de Yukos, unu el la grandaj
oleo-konzernoj. Denove montrigxis, ke nia uzado de importita energio rezultos
en damagxoj de pra-naturo aliloke. Baikalwave (en) (SEU,2002-11)
> Rusio: La neglekto de dauxrebla arbar-protekta politiko kauxzas
grandarean detruon de la "Taiga" en Siberio. Arbaroj estas faligitaj kaj la
ligno plejparte eksportita en Cxinion. La ofizialaj besto- kaj
arbar-gardistoj ecx ne estas protektataj de la sxtato, do, ne povas vere
protekti. La pagitaj licencoj ne estas uzitaj por replanti la arbaron, sed
sxtele privatigitaj. (> antauxa Aveno)(2003-04-18, TV, ARD, cxirkau Angarsk)
> Ukrainio: Dauxras la planoj kaj klopodoj uzi la delton de la Danubo,
biosfera reservato de UNESKO, por konstrui havenon aux simile. Okazis
publika protesto en Moskvo. Kaj tiam la prezidento Kucxma decidis ne akcepti
la planon; sed komence de 2003 denove publikigis similan planon. pri la Danubo (en) (SEU,2002-12-06)
Alia projekto celas al konstruo de damo por la rivero Suda Bug por malvarmigi
nuklean centralon.
Suda Bug (ru).
> Iraka Milito endangxerigas la migro-birdojn.
Pli ol unu miliono da migrantaj birdoj nun trovigxas je la hejmenflugo de
suda Afriko al siaj kovnestoj en la norda Azio (kaj Euxropo, mw). La marcxaj
regionoj en la suda Irako estas tre gravaj lokoj por fari pauxzon kaj cxerpi
novan energion. La milito povus malplibonigi aux ecx detrui cxi-tiun
regionon. (2003-02-23 el Sunday Independant, Sudafriko (tra Badische
Zeitung)). Kaj kio okazis finfine ?
Rimarko: ne pensu ke AVE nur klopodas pri la birdoj; pri la milito kaj la
trafitaj homoj, detruoj (..) ekzistas dauxra informado cxie en la mondo -
pli-aux-malpli objektiva.
Ni esperas ke en Irako evoluigxos ekonomio kaj Homaj Rajtoj.
