Returne

AVE

AVE cxe la naciaj Verdaj Partioj:
> 2001-03-09/11 Stuttgart (DE): Federacia Asembleo:
Informstando kun Julia Noe, Wilfried Hüfler, Wolfgang Gunther
kaj MW (elsendo de parolado en TV Phoenix).

+2001-09-01/02 Berlin (DE): Somera Akademio de la Verda Partio
(Bündnis90/Die Grünen):

Okazis AVE-informstando.
AVE interparolis i.a. kun Heidi Hautala, MEP (el FI), kaj presidantino de la grupo de Verduloj/Regionistoj).  Pro la aktuala
diskuto sxi interesigxis pri la Pariza Rezolucio (vidu AVENO 21),
ke Eo igxu unu el la oficialaj laborlingvoj por neuxtrale reprezenti
la lingvojn kiuj ne estas oficialaj, cxar post la EU-etendigxo la
nombro de naciaj lingvoj atingos 20. 

 Prof-o Andrej Markovits (US) ,
diskutis la konceptajxon de la nova Baza Programo
de la germana Verda Partio; krom multaj lauxdoj kaj
kelkaj kritikoj pro manko da konkretaj eldiroj (ekz-e kontraux
dekstruloj kaj stalinistoj) li proponis por la EU similan
lingvan sistemon kiel en Hindio "tri plus/minus unu lingvoj"
laux David Laitin: vilagxa kaj regiona gepatra lingvoj, nacia
lingvo kaj finfine supernacia lingvo por tuta Euxropo laux la
kunteksto. Li sxajne preferas la anglan por tiu supernacia rolo
- kaj respondis, ke Esperanto estus tro normiga kaj estus
iluzio. Ni germanaj verdpartiaj e-istoj tamen klopodas dauxrigi la
diskuton.

> 1a Tutmonda Kongreso de la Verdaj Partioj en Canberra:
AVE partoprenis dank' al Sandor Horvath, Jenny kaj Alan Bishop
kaj Brian Currie kiuj informis pri Esperanto kaj partoprenis en
diversaj diskutrondoj.
Sandor raportis pri la kongreso; lia artikolo aperis en
Sennaciulo, 2001-05.
  Raporto de la 1a TKVP, Canberra 2001-4-14/16:
Mem cxeesti tian eventon cxiam estas pli ekscitiga ol nur
rigardi oficialajn kontribuojn televide kaj radie. Pro la
titolo, pro la fakto ke gxi estas la unua kaj pro fervora
konsternigxo pri la naturmedio de nia belega planedo, mi volis
nepre cxeesti kaj utiligi la pretekston starigi Esperanto-budon
laux la jam antauxlonge ricevita peto de M. Westermayer de AVE.
Impona evento cxe la impona kongresejo de Kanbero. Oni ne povis
mistrafi cxe la enirejo okulfrapan unupersonan manifestacion
kontraux milito kaj polucio sur nia planedo. Kvankam ne videbla,
prezentante sin poste, la manifestacianto, Benny Zabel,
surprizis nin informinte ke li naskigxis en Bialistoko kaj liaj
gepatroj parolas esperante.  Interne trovigxis la kutima
informgicxetoj, T-cxemizvendejoj kaj multaj budoj de diversaj
federacioj de verdaj partioj en nia regiono ekz-e Vjet-namio,
Koreio kaj Nov-Zelando.  Iom post iom dum la 3 tagoj aperis
stoketoj da flugfolioj por forpreni kaj cxiutage la informilo
'Spinifex' - kun Esperanto kontribuo en numero 3. Neniu
respondis la defion! Sandor Horvath el Suda Auxstralio estris la
agadon kaj arangxis la spacon dum Brian Currie, mi kaj mia edzo
Alan kunhelpis. Finfine Alan dejxoris plejmulte, legante sian
profesian legadon, dum Sandor, Brian kaj mi cxeestis la
prelegojn kaj laborgrup-ojn pri komunikado kaj lingvo/ kulturo.
Vizitintoj al la budo inkluzivis francan esperantiston el
Provenco kaj la filon de la konata Gregoire Maertens (BE).
Pli ol 700 partoprenantoj el surpriza nombro da landoj, 70,
gxuis la sxancon pridiskuti la plej gravajn temojn por la
estonteco de nia planedo, samtempe kreante specialan Cxarton
aprobita de la plejmulto da oficialaj delegitoj. La malneta
cxarto haveblis en Eo.
Kompreneble, por ni estis plej interese la prilaborado de
interpretadbezonoj. Laboregis interpretistoj en almenaux ses
lingvoj reprezentitaj. Ili sidis supre malantaux  vitrajxo. La
laborlingvoj estis la angla kaj franca sed necesis traduki
ankaux el la franca. Tre afabla virino faris sian eblon por
kontentigi la lekciiston kaj la auxskultantojn sed ne eblis sen
rimarki gxenon de unu flanko aux la alia.
Malantaux la kulisoj ni, esperantistoj faris nian eblon por
informi pri Esperanto cxe laborgrupoj sed pli efike allogante
oficialajn delegitojn subskribi rezolucion. Nur je la fino mi
konsciigxis ke rezolucioj estas akceptataj nur de oficialaj
delegitoj. Almenaux eblis atentigi la homojn pri bona
alternativo al fusxa tradukado.  La sekva konferenco okazos en
Sudafriko antaux 2006. Jen defio al ni subteni kaj instigi niajn
amikojn en Afriko ne nur dauxrigi la bonan laboron sed agi sur
oficiala tereno. Ni esperu por Esperanto kaj por la meritinta
homaro.
Verkita de Jenny Bishop por AVENO #23

 


 Returne 
 Al la komenco de tiu-cxi AVENO
 Al la indekso de AVENO 


 Asocio de Verduloj Esperantistaj (AVE)