AVENO

Agado de Neregistaraj Organizoj

Bonvolu atentigi pri la diversaj Ago-Tago de UN.
Fiksdatoj kaj Ago-Tagoj 

>> NRO   BuyItGreen: BIG-Net, pri municipa investado sub
ekologiaj premisoj. Internacia Konsilio por Lokaj Mediaj
Iniciativoj.
www.ICLEI.org (el Update 2001/6)

 > Tamtamo 07 de Indigxenaj Dialogoj (ID):
2001-10-22 Bonn: Biologia Diverseco:  La sesion organizis
unuafoje IUCN kaj GTZ. La sesio kunigis NROjn, esplorajn kaj
evoluigajn instituciojn, registarojn kaj Indigxenajn Popolojn.
Ili diskutis ligojn inter komunuma partopreno, rajtoj de
intelekta proprajxo (IPRoj), sekureco de mangxajxo, malricxeco
kaj ABS. Membro de la Indigxena Estraro de ID s-ro Jebra
Muchahary (de la Bodo-popolo en Barato) sendis la deklaracion de
la kunveno.
www.idnetwork.nl/tamtamo

 > 2001-10-10/12: Jokkmokk (SE):
Pri indigxenaj popoloj kaj forstomastrumado en Fennoskandio
(Skandinavio) kaj Kanado. La boreala (norda) arbaro apartenas al
la vivmaniero de la nordaj indigxenaj popoloj. Ilia survivado
kiel popolo estas ligata al gxia natura integro. Moderna forst-
mastrumado kreas minacojn; pere de atesto-skemoj oni povas
inicii respondecan evoluon. La konferenco temis ankaux pri la
rajtoj rilate la areon kaj resursojn; gxi promocias la socialan
kaj ekonomian evoluon de iliaj  komunoj.
Sami Council: www.samicouncil.org;
Grand Council of the Crees: www.gcc.ca;
Taiga Rescue Network, Box 116, Ajtte, SE-96223 Jokkmokk:
www.taigarescue.org


 > Sociala Pinto en Porto Alegre:
En tiu urbo de suda Brazilo kunvenis kritikantoj de la
novliberala tutmondigxo fine de Januaro 2001; tie jxus 2002-01
okazis ankaux la 2a Tutmonda Socia Forumo.
En pozitiva kaj konstruiva spirito, ili proponis teorian kaj
praktikan kadron ebligantan antauxvidi novtipan tutmondigxon kaj
aserti, ke alia mondo, pli humana kaj solidara, eblas. P.A.,
cxefurbo de Sxtato Rio Grande do Sul, la plej suda de Brazilo,
cxelime de Argentinio kaj Paragvajo, Porto Alegre igxis
paradigmo. Gxi estas socia laboratorio, kiun
internaciaj observantoj iom fascine rigardas. Originale de dek
du jaroj regate de maldekstra koalicio gvidata de Partio de
Laboristoj (PL), tiu urbo spertis sur multaj kampoj, (logxado,
publikaj transportoj, vojumado, rubajx-kolektado, flegejoj,
sociaj logxejoj, alfabetizado, lernejoj, kulturo, sekureco,
ktp...) rimarkindan disvolvigxon. Sekreto de tia sukceso?
Partopreniga bugxeto, ebleco por logxantoj de la diversaj
kvartaloj tre konkrete kaj demokratie difini uzadon de komunuma
mono. Tio signifas decidi kiajn infrastrukturojn ili deziras
krei aux plibonigi kaj precize postsekvi laborevoluon kaj
elekton de financaj engagxoj. Neniu defrauxdo, trouzo tiel
eblas, kaj investoj ekzakte korespondas al plimultaj deziroj de
kvartalaj logxantaroj. En 2000-10, PL-kandidato al urbestreco
reelektigxis per 63%.  En tiu originala urbo, en kiu floras
demokratio, Tutmonda Sociala Forumo provos starigi alian
tutmondigxon ne plu ekzkluzivantan popolon, enmetantan medio-
protekton, krizon de sociaj malegalecoj kaj zorgadon al homaj
rajtoj.  Laux Ignacio Ramonet en "Diplomatia Mondo", traduko en
SAT-Diskuto

 > Nazia Koncentrejo Dachau (en Eo)
La memorejo en Dachau trovigxas sur la tereno, kie nazioj en
1933 instalis sian unuan koncentrejon por malliberigi politikajn
kontrauxulojn kaj aliajn pro etnaj au religiaj kialoj
persekutatajn personojn. Ekspozicioj montras al vizitantoj la
kruelecon de la nazia regximo, por eviti ke gxi forgesigxu.
Multaj retligoj kondukas al aliaj memorejoj de la nazia
persekutado. Ligo gvidas al Eo-versio de cxi-tiu pagxaro:
"Fremdsprachliche Texte": www.kz-gedenkstaettedachau.
de/gedenkstaette/german/frame/links.htm El "eventoj":
reinhard.foessmeier@ixos.de

 > Tabako: 2001-11 okazis la "Internacia Semajno de Rezisto
Kontraux la Multnaciaj Tabak-Entreprenoj", kaj cxe ni okazis
diversaj agadoj pro la "Lukto por kontrolo de Tabakismo"; inter
tiaj mi partoprenis la  kunvenon de apogo al la konvencio
"Marko", kiu estas la unua traktato pri la Monda Publika Sano de
la Monda Organizajxo pri Sano (MOS). La celo estas difini
kontrolajn politikojn por tabakismo, efikaj por haltigi la
epidemion pri tabak-konsumo je monda nivelo.   La Multnaciaj
Tabakentreprenoj nun sercxas eviti ke cxi tiu konvencio "Marko"
estu solida kaj efika. Pro tio, la MOS kaj la NROj kiuj apogas
siajn agadojn, petis ke en cxiuj la membraj landoj, la lokaj
NROj kiuj apogas la lukton por kontrolo de Tabako, disvolvu
agadojn informante pri la konvencio kaj pri la bariloj  kiuj
malfaciligas gxin.   Cxe la kunveno ni ankaux vidis la vidbendon
de INFACT "Murdajn  gajnojn" (Making a Killing), kiel la plej
granda tabakentrepreno en la mondo, impulsas la disvolvon de la
epidemio de tabako tra la mondo. Ekz-e TADEN protestis en la
lasta UK kontraux la dauxra fumado en la kongresejo. Cxu UMEA
oficiale prezentos apogon al la Konvencio "Marko" ? S.B. atendas
informojn pri eblaj agadoj rilate la tabakismon en via lando.
Laux Sandra Burgues: sburgues@fmed.edu.uy . Esplor-teksto en
AVE-TTT kaj Puraj Pulmoj 2001/3.

 > GMO en Usono (2001-07-04):
7 GMO-nutrajxoj kaj lakto stimulita per BGH (bovina
kreskohormono) estas vendataj en Usono:
Sojfabo (pli ol 60%), kolzo (50%), kotono (50%), maizo (30%) kaj
malpli oftaj papajo, terpomo, kukurbo;
4 aliaj estas akceptataj sed ankoraux ne acxeteblaj: tomato,
sukerbeto, radicchio kaj lino.
Se vi miras pri kotono kaj kolzo - oni produktas oleon el ili.
Por pli detala informo, cxi tie hejmpagxoj kiuj informas i.a.
pri la organismo (viruso, bakterio, ..) el kiu venas la speciala
geno: www.safe-food.org/consumer/shop.html .
Krome okazas per-venta distribuo de la polenoj, kaj la GMO-
firmaoj ecx postulas tributon por tiamaniere akirita tipo
www.purefood.org/monsanto/percy.cfm .
Rilate al Bacillus Thuringensis, kiu mortigas utilajn insektojn:
www.purefood.org/ge/monarch.cfm .
La GMO-industrio inventis t.n. oran rizon, kiu enhavas Vit-o A
kaj devus preventi blindigxon - tio sxajnas esti malinformo:
www.purefood.org/patent/vitaminAhoax.cfm
BGH, uzita por triono de la laktoprodukto en Usono, povas kauxzi
kanceron de mamo, prostato kaj limfo:
www.purefood.org/rbghlink.html

 > Certifikatoj por dauxrebla forsto:
El diskuto en la konsilio de Karlsruhe (DE). Ekzistas diversaj
certifikatoj por dauxrebla forst-mastrumado:   PEFC (Pan-Euxropa
Forsto-Certifikato): gxiaj kriterioj estas neklaraj kaj mankas
sendependa kontrolo - ne konsilinda.   FSC (Forest Stewardship
Council) Certifikato garantias sendependan kontrolon, sen uzado
de pesticidoj kaj fertiligenzoj, kaj ke en publikaj arbaroj 5%
de la areo restu netusxita referenca areo. Krome ili observas
socialajn laborkondicxojn, ekz-e regula klerigo kaj lauxeble
seninterrompa okupigxo. Tutmonde areo de 17 milionoj hektar
obeas la FSC regulojn.
  Super la FSC ekzistas en Germanio la Naturland-Certifikato kiu
permesas pli da biodiverseco; pli da specoj, morta arbotrunk-o
restas, por birdoj kaj insektoj.
Greenpeace, Robin Wood kaj BUND kunlaboris kun la forst-
ekonomio; la ligno havas pli bonan kvaliton. Laboro kaj
materialo kostas malpli. Nature miksita arbaro estas pli stabila
kontraux insekto-epidemioj kaj ventegoj.
El Ligo por Medio- kaj Natur-protekto DE (BUND)
Heimisches Holz: www.bund.net/bawue/aktionen/projekte/holz